कांग्रेस खुला सहमहामन्त्रीमा रामहरि र अजयबाबु निर्वाचित

काठमाडौँ । नेपाली कांग्रेसको सहमहामन्त्री खुलातर्फ रामहरि खतिवडा र अजयबाबु शिवाकोटी विजयी भएका छन्। २ पदका लागि भएको निर्वाचनमा ९ जना उम्मेदवार थिए।

मतगणनामा खतिवडा र शिवाकोटीले सुरूदेखि नै अग्रता लिएका थिए।ओखलढुंगाका खतिवडा पछिल्लो समय संस्थापनसँग जोडिएका थिए। उनी गत पुसमा भएको विशेष महाधिवेशनमा सहभागी थिएनन्।

उनी २०७८ को १४ औं महाधिवेशनमा केन्द्रीय सदस्य थिए। यस्तै प्रेस युनियनको महासचिव छाडेर पार्टी राजनीतिमा सक्रिय भएका दोलखाका अजयबाबु शिवाकोटी १४ औं महाधिवेशनमा केन्द्रीय सदस्य निर्वाचित भएका थिए। त्यसपछि विशेष महाधिवेशनमा पनि उनी केन्द्रीय सदस्य रहेका थिए।