April 24, 2026, Friday
२०८३ बैशाख ११
Nepal 1:37:26 pm
कल्की संवाददाता भक्तपुर । प्रहरीले सार्वजनिक शान्तिमा खलल पुर्याउने ६० भन्दा बढी व्यक्तिलाई पक्राउ गरेको छ । बिस्केट जात्रालाई शान्तिपूर्ण सञ्चालनका लागि जिल्ला प्रहरी परिसर भक्तपुरले चलाएको ‘स्वीप अप्रेशन’ अभियानका क्रममा शनिबार राति ६० भन्दा बढी व्यक्तिलाई पक्राउ गरिएको प्रहरी प्रमुख एसपी सूर्यबहादुर खड्काले जानकारी दिए ।
भक्तपुरको ठिमी र जगाते प्रहरी वृत्तसहित जिल्लाका विभिन्न प्रभाग र युनिटलाई परिचालन गरी अप्रेसन सुरु गरिएको थियो । सार्वजनिक स्थलमा होहल्ला गर्ने, शङ्कास्पद गतिविधि गर्ने, लागूपदार्थ सेवन गर्ने लगायत क्रियाकलापमा संलग्न भएका कारण उनीहरुलाई पक्राउ गरिएको एसपी खड्काले जानकारी दिए ।
