आज आइसीसी विश्वकपको सुपर आठकाे अन्तिम दुई खेल हुदै

काठमाडौं । आज जारी आइसीसी टी-२० विश्वकपको सुपर आठका अन्तिम दुई खेल हुदैछन् । सुपर आठको समुह १ का दक्षिण अफ्रिका र जिम्बाबे तथा भारत र वेस्ट इन्डिजबीच आज खेल हुदैछ ।

आज पहिलो खेल भारतको दिल्लीमा दक्षिण अफ्रिका र जिम्बाबेबीच नेपाली समय अनुसार दिउसो ३: १५ बजेदेखि हुदैछ । दक्षिण अफ्रीका यस समुहबाट सेमिफाइनलमा पुगिसकेको छ भने जिम्बाबे सेमिफाइनलको दौडबाट बाहिरिइसकेकोले यस खेलको नतिजाले कुनै प्रभाव भने पार्ने छैन । त्यस्तै दोस्रो खेल यसै समुहका भारत र वेस्ट इन्डिजबीच भारको कोलकोताको इडेन गार्डेनमा नेपाली समय अनुसार साँझ ७: १५ बजेदेखि हुनेछ ।

यो खेल दुवै देशका लागि जित्नै पर्ने अवस्था रहेको छ । दुवैले २-२ खेलमा एक एक खेल जितेर २-२ अंक हासिल गरेका छन् र रनरेटको आधारमा वेस्ट इन्डिज दोस्रो स्थानमा रहेको छ । वर्षाले खेल हुन नसके वा अन्य कारणले खेल रद्ध भएर अंक बाड्नुपर्ने अवस्था आएमा वेस्ट इन्डिज सेमिफाइनलमा पुग्ने छ भने भारतका लागि यो खेल जित्नै पर्ने अवस्था रहेको छ ।