विश्वकै पहिलो उडान क्षमता पूरागरि एटीआर–७२ जहाज बिदाइ

काठमाडौँ । बुद्ध एयरले आफ्नो कल साइन ९एन–एजेओ रहेको एटीआर–७२ जहाजलाई बिदाइ गरेको छ। पूर्ण उडान क्षमता पूरा भएपछि एटीआर–७२ जहाजको औपचारिक रूपमा बिदाइ गरिएको हो । एटीआर–७२ जहाजले विश्वमै पहिलो पटक तोकिएको अधिकतम् उडान चक्र पूरा गरी सेवाबाट अवकाश लिएको कम्पनीले जनाएको छ। एटीआर–७२ जहाजको अधिकतम उडान क्षमता ७२ हजार चक्र मानिन्छ। उडान चक्र भन्नाले जहाजको एक पटक उडान भरी गन्तव्यमा अवतरण गर्ने प्रक्रियालाई जनाइन्छ।