अब विशेष महाधिवेशनको औचित्य छैन, सबै निर्वाचनतर्फ लागौँ : सिटौला

सिटौलाले पार्टीले आगामी फागुन २१ गते हुने आम निर्वाचनमा भाग लिने निर्णय गरिसकेको भन्दै अब सबै नेता तथा कार्यकर्ताको ध्यान त्यतातिर केन्द्रित हुनुपर्नेमा जोड दिए। उनले यतिबेला पार्टीभित्र आन्तरिक कलहभन्दा पनि पूर्ण एकताको आवश्यकता रहेको औंल्याए।

पार्टी एकताबद्ध भएर जनताको माझमा जानुपर्ने र राष्ट्रका लागि ठोस योजना र नीति निर्माणमा लाग्नुपर्ने उनको भनाइ छ। सिटौलाले पार्टीका तमाम साथीहरूलाई निर्वाचनका लागि संगठित र परिचालित हुन आह्वान गर्दै १५ औँ महाधिवेशन सफलतापूर्वक सम्पन्न गर्ने दिशामा लाग्न आग्रह गरे। अबको समय विवादमा अल्झिने नभई निर्वाचनको तयारीमा जुट्ने बेला भएको उनले स्पष्ट पारे।